Hungarian Blue Print

G 1

Til heiðurs hannyrðum
A kézművesség dicsérete
154 x 200 cm

G 2

Vorið gengur í garð
Nyitnikék
150 x 200 cm

Í ungversku er ekki síður hægt að leika sér með orð en í íslensku. Vorið gengur í garð þar sem heyra má fuglasöng og blómin fara að láta á sér kræla.

G 3

Vafningsviður, Fuglar
Indák, madarak
150 x 200 cm

Grunnurinn er blátt-á-blátt og saumaður með sígildum bandarískum mynstrum en í miðju verkinu er tveir fletir gjörólíkir bakgrunnsásauminum á hvítu efni. Þar er að finna þekkt og kær viðfangsefni ungverskrar alþýðulistar, vafningsviðinn, fugla og blóm.

G 4

Blómaflóð í bláu og hvítu
Virágözön kék-fehérben
146 x 200 cm

Hópurinn valdi sér blóm sem lykilþema þessa verkefnis. Ramminn er blómavöndur gerður með tækni sem kallast «blómagarður ömmu». Þetta er með elstu saumaaðferðum og er hún rakin til Englands. Þess vegna er hún líka stundum kallaður «enskur saumur».

G 5

Innan um blómin
Virágok közt
150 x 200 cm

Hópurinn sótti sér innblástur í þetta sameiginlega verk í vinsælasta ungverska mynstrið, blómið. Þetta er afbragðsgott verk, líka hvað tæknilega útfærslu áhrærir (enda hefur það hlotið fyrstu verðlaun á sýningu). Notast er við bæði vattstungu og trapúntó og þess vegna sýnist verkið vera því sem næst í þrívídd eða kúpt.

G 6

Til minningar um Jean Stickle
Tisztelet Jean D. Sticklenek
220 x 220 cm

Hin ameríska Jean Stickle sat ein heima, beið eftir því að eiginmaðurinn sneri heim úr frelsisstríðinu, og saumaði verkið «Dear Jean».  Þetta er eitt af frægustu vattstungnu veggteppum heims. 70 ungverskar saumakonur tóku sig saman og saumuðu tilbrigði við teppi Jeans Stickle.

G 7

Nútímalegt tilbrigði
Modern variáció
150 x 200 cm

Ananasblokkin er sígilt viðfangsefni og á sér ævafornar skírskotanir. Hópurinn valdi að nota hana á örlítið skekktan og nútímalegan hátt. Hann setti sér tvö markmið við vinnuna, að sauma af nákvæmni og taka með eins mörg mynstur og mögulegt var.

I 1

Frá getnaði til grafar
Fogantatástól az elmúlásig
120 x 120 cm

Heimur táknanna er mjög áhugaverður og rík hefð er fyrir þeim í Transylvaníu allt fram á þennan dag. Túlípanar tákna lífshlaup kvenna. Blómin í hornunum sýna fullvaxta túlípana (fóstur) en blómin í miðjunni tákna lífið sem brýtur sér leið út. Efri hluti túlípananna mynda hring og tákna blómið í heild sinni, konuna, neðri hlutinn táknar gamalt blóm sem er að fölna (dauðann).

I 2

Æviskeið konu
A nő élete
66 x 167 cm

Hugmyndin að þessu verki er sótt í heim blómatákna í Transylvaníu. Efri hlutinn táknar þroskaskeið unglingsstúlku, miðhlutinn táknar fullvaxta konu og brúðkaup. Neðri hlutinn lýsir meðgöngu og allt er þetta tjáð með túlípanatáknum.

I 3

Hæ, Rósa …
Hej, rózsa
145 x 180 cm

Heiti þessa teppis er sótt í fyrstu ljóðlínu fallegrar ungverskrar þjóðvísu (sem enn er vinsæl og oft sungin). Verkið er margverðlaunað, litmynd af því birtist í þýskri bók og listakonan hefur hlotið nafnbótina «saumameistari».

I 4

Skorið að hætti fólks í Csorna 1&2
Csornai vagdalásos I.
100 x 120 cm
Csornai vagdalásos II.
112 x 147 cm

Csorna er smáborg í Ungverjalandi sem þekkt er fyrir «vagdalasos» skurðtæknina. Hvítt þunnt efni (stundum blúndur) er haft sem grunnur og svo koma lagskiptir og skornir efnisbútar á grunninn. Um er að ræða tvö tilbrigði, sveigð og köntuð. Teppin tvö sýna bæði tilbrigðin, þau hafa verið sýnd víða og myndir af þeim birtust í frönsku tímariti.

I 5

Gluggatjaldið í eldhúsinu mínu
Függöny a konyhámba
59 x 140 cm

Verkið er tvöfalt og einstök natni hefur verið lögð í gerð þess. Það er skreytt hefðbundnum bútasaumsblokkum.

I 6

Blokk á blokk ofan
Gyűjteményes
120 x 140 cm

Handsaumuð útsaumsmynstur hafa löngum verið saumuð saman í sérstakan klút til að eiga til minningar og á sama hátt hefur sú venja myndast í bútasaumi að safna saman blokkum og nota til þess að sauma stærra verk. Hér má einnig sjá tvö sérstök ungversk efni sem algeng eru í alþýðulist.

I 7

Arfleifð frá Kalotaszeg
Kalotaszegi örökség
165 x 85 cm

Eitt af þekktari héruðum Ungverjalands heitir Kalotaszeg en það er þekkt fyrir sérstakar saumahefðir sínar. Hér má sjá hvernig koddaver frá Kalotaszeg hefur verið túlkað yfir á «tungumál» bútasaumsins. (Ef horni teppisins er lyft sést koddaverið sem færði listakonunni innblástur sinn).

I 8

Blámi snævar
Kék hó
185 x 250 cm

Markmið listakonunnar er að draga fram og leggja áherslu á fegurð bláu efnanna í stórum mynstrum. Besta leiðin til þess var að nýta sígildar blokkir þar sem hægt var að koma stóru mynstrunum fyrir í miðju verkinu. Heildarmynd þess færði svo teppinu að lokum heiti sitt.

I 9

Minningar
Múzeumi gyűjteményes
106 x 130 cm

Þetta teppi er gert úr fornum efnum til minningar um tengdamóður listakonunnar. Efnið var gjöf frá gömlu konunni en það er áprentað báðum megin (tækni sem ekki er lengur notuð). Á það eru svo saumaðir bútar af ævafornu rauðu efni.

I 10

Ungverski blómagarðurinn
A magyarok virágoskertje
138 x 98 cm

Höfundur: Zsuzsa MÉSZÁROS

Myndin er saumuð úr sexköntum og sýnir Ungverjaland eins og það var. Þegar síðari heimsstyrjöld 20. aldar lauk var landinu deilt upp þannig að eftir stóð aðeins þriðjungur upprunalegs landssvæði þess. Dökkbláu bútarnir sýna landamæri Ungverjalands eins og þau eru nú. Perlur sýna hvar gömlu blálitunarverksmiðjurnar voru.

I 11

Kvöldstund
Esti hangulat
137 x 150 cm

Blæbrigði bláa litarins minntu listakonuna á bæ í ljósaskiptunum. Trjágrein dregur þetta enn betur fram. Hægt er að líta svo á að teppið sé tilraun til þess að frelsa frjálsa hönnun úr viðjum stranga reglna hins sígilda bútasaums.

I 12

Litlir bútar saman (andstæður)
Kis gyűjteményes
80 x 80 cm

Verkið byggist á tækni sem gerir miklar tæknilegar kröfur. Þar má einnig sjá smásafn búta sem unnir eru á sama hátt og gert er í «origami». Sú tækni er að mestu upprunnin í Japan en nýtur nú vaxandi vinsælda um heim allan.

I 13

Silfurblátt
Kék – ezüstben
80 x 80 cm

Verkið byggist á hefðbundnu mynstri úr ungverskri alþýðulist sem listakonan umkringir svo með flóknu vattstungumynstri. Þetta er vel þekkt útsaumsaðferð sem kölluð er «gullvattstunga». Hún hefur helst verið notuð til að sauma altarisgönguklúta með rauðum tvinna en silfur og blátt hæfa þó betur saman.